Horario: A biblioteca e atención ó público provisional é de luns a venres: 9-14,30 h e de luns a xoves de 16,30-20,30 h. Sábados, domingos e festivos pechado, xa que o museo está pechado temporalmente por obras Pago: Tarifa gratuíta Tipo de acceso: Restrinxido Prezo: Gratuíta

http://musarqourense.xunta.es
mapour@xunta.es

 

Creado en 1896, foi instalado en sucesivas sedes ata que en 1951 foi trasladado a súa sede actual, o Pazo Episcopal, situado en pleno centro histórico da cidade e declarado monumento histórico artístico en 1931. Trátase dun conxunto edificado, cunha parte central románica, do século XII -un dos poucos edificios civís destas características en España- con engadidos góticos (século XIV), renacentistas (XVI) e barrocos (XVIII).

Na actualidade o conxunto está en remodelación, polo que os fondos do Museo foron trasladados ao edificio de Santa María de Europa, pero mantén diversas actividades temporáis e unha mostra continuada dunha escolma das obras máis representativas das súas coleccións na Sala San Francisco.

Os fondos do Museo están divididos en dúas áreas:

Sección histórico arqueolóxica:
Durante a visita poden verse valiosas series representativas do mundo  paleolítico e megalítico; pezas que fan referencias ó  mundo castrexo, dentro  do que constitúe un grupo excepcional a escultura; e, finalmente, as de época romana, destacando a epigrafía.

O Museo tamén custodia unha interesante serie arqueolóxica prerrománica e medieval, principalmente elementos constructivos e decorativos e algúns obxectos litúrxicos e imaxes.

Sección de  belas artes:
Nesta sección compre destacar a  escultura en madeira do Renacemento e Barroco, entre as que  se encontran algunhas das xoias do Museo como a  Inmaculada de Juan de Juni, os taboleiros da cadeirado de coro do Mosteiro de Montederramo ou o San Diego de  Alcalá, de Juan de Angés; así como a pintura  dos séculos XVII e XVIII procedente dos conventos suprimidos trala desamortización; e por último, a pintura de finais  do século XIX e principios de XX, destacando a obra de Ramón Parada Justel.

Esta sección tamén conta cunha completa colección de artes decorativas nas que  destacan telas, ornamentos e tarros de botica monacais.

 

 

 

 

OUTROS DATOS
Enderezo
Rúa Bispo Carrascosa, 1  
32005
Ourense
Tlf : 988223884
Fax : 988223701
Observaciones:
Neste momento o museo está en remodelación. Organiza exposicións temporais na SALA DE SAN FRANCISCO.