Horario: Martes a venres: 10-13 h e 17-19 h. Sábado: 10-13 h. Domingos: pechado Pago: Tarifa gratuíta Tipo de acceso: Libre Prezo: Gratuíta

colegiataymuseo@terra.es

 

O edificio do museo, de nova planta, intégrase perfectamente no entorno da Colexiata e da Cidade Vella, actuando como cofre blindado da colección de ourivería relixiosa.

É un museo monográfico, de obxectos de prata moi diversos, destinados ó culto litúrxico, que cronoloxicamente se sitúan entre o século XVI e o século XX.

A exposición, cun criterio cronolóxico e por escolas, divídese en catro niveis:

O primeiro, mostra pezas dos séculos XVI, XVII e algunhas de mediados do século XVIII, destacando a arqueta eucarística e o ostensorio doados pola raíña Mariana de Neoburgo, esposa de Carlos II.

O segundo nivel alberga pezas coruñesas e da pratería cordobesa, todas elas de finais do século XVIII e principios do XIX.

No terceiro nivel expóñense as pezas con varas, de función procesional, e as pezas de metal do século XIX.

Por último, no cuarto nivel atópanse as pezas das Escolas Salmantina e Compostelá, destacando nesta as pezas feitas por Jacobo Pecul entre finais do século XVIII e principios do XIX.

 

 

 

 

OUTROS DATOS
Enderezo
Pl. Santa María do Campo  
15001
Coruña, A
Tlf : 981203186
Fax : 981203116