Horario: De 10-13,30 h. e 16-19 h. Pago: Tarifa completa Tipo de acceso: Libre Prezo: 0,60

 

A Colexiata de Sta. María de Sar é un antigo convento de cóengos regulares de San Agustín. Foi fundado por Diego Xelmirez en 1136 como concesión ós cóengos que se retirasen baixo a regra de San Agustín conservando os seus privilexios na catedral. No ano 1548 secularizouse e converteuse en Colexiata. Hoxe é unha parroquia dependente da Diocese de Santiago. Da  época medieval consérvase a igrexa e o lateral norte do claustro. A igrexa é un importante exemplo de arquitectura románica compostelá, de planta basilical con tres naves, sendo a central máis ancha cas laterais.

O Museo da Colexiata do Sar  atópase nun edificio anexo ó lado sur da igrexa.  A exposición desenvólvense en tres salas. A visita ó museo comeza na recepción onde se expón un pilar de pedra con columnas pareadas, obra do taller de Mateo.

A segunda sala presenta, entre outras, pezas relacionadas co priorato do Sar e a vida monacal., como elementos arquitectónicos do antigo claustro do século XIII, ou pezas de escultura barroca como o San Roque de Montpellier coa iconografía xacobea. Na colección do fondo documental destaca o diploma fundacional da Colexiata do Sar,  de 1136, asinado polo arcebispo Xelmirez.

A terceira sala acolle pezas relacionadas coa vida parroquial da Colexiata, e abarca ós séculos XVII a XIX, con pezas de ourivería, ornamentos litúrxicos e escultura.
Nas salas cuarta e quinta amósanse traxes tradicionais galegos, pertencentes á agrupación folclórica Colexiata do Sar, vinculada a esta parroquia.

O percorrido complétase coa visita ó Claustro, no que se conservan nove arcadas do antigo claustro do século XIII, que se corresponde coa parte norte; o actual data do século XVIII.

 

 

 

OUTROS DATOS
Enderezo
Colexiata do Sar  
15702
Santiago de Compostela
Tlf : 981562891
Fax : 981572891