Horario: Tódolos días: turnos ás 11 h. e 12 h. No verán turnos ás 16, 17 e 18 h. Pago: Tarifa completa e reducida Tipo de acceso: Guiada Prezo: 3.5

 

O Mosteiro das Clarisas de Monforte de Lemos, fronte á Ponte Vella do río Cabe, foi fundado por Dona Catarina de la Cerda y Sandoval, esposa de Pedro Fernández de Castro, VII Conde de Lemos, quen ó quedar viúva tomou os hábitos en dito mosteiro e pasou a chamarse Sor Catarina de la Concepción.

O Mosteiro está dentro do núcleo urbano; construído a mediados do século XVII responde a unha arquitectura sinxela e marcada pola austeridade, ó igual que a igrexa con influencias góticas.

O museo alberga unha importante colección de arte sacra que ten o seu  xerme nos obxectos procedentes da Capela dos fundadores ós que se engadirían outros doados pola Condesa de Lemos.

A exposición desenvólvese ó longo das catro salas do museo e poden clasificarse os fondos en ourivería, pintura, escultura, relicarios e ornamentos litúrxicos.

Entre as pezas máis destacadas están as esculturas do obradoiro de Gregorio Fernández, expoñente da Escola Castelá do século XVII, como é o caso do Cristo Xacente en furna procesional, e dúas Inmaculadas. Expóñense  tamén os retratos en óleo dos fundadores, os Condes de Lemos.

Especial relevancia teñen os relicarios que conteñen reliquias recollidas polos Condes de Lemos durante o seu virreinato en Nápoles entre os anos 1610 e 1616. Algúns destes relicarios viñeron de Italia e outros foron feitos en Castela.

Outro grupo de obras que é preciso resaltar son os bordados en sedas lasas polícromas, que consta de pezas do ornamento litúrxico como vestimentas de imaxes, indumentaria relixiosa... Todas elas proceden dun obradoiro monacal probablemente do século XVII.

 

 

 

OUTROS DATOS
Enderezo
Convento das Clarisas. Rúa Santa Clara, s/n  
27400
Monforte de Lemos
Tlf : 982401544