Horario: Inverno: sábados, domingos e festivos: de 11-14 h. e 17-20 h. Verán: martes a domingo: de 11 a 14 e de 17 a 20. Luns pechado. Pago: Tarifa gratuíta Tipo de acceso: Libre/guiada Prezo: Gratuíta

carrau@teleline.es

 

O Museo do Mar nace en 1969, como froito da gran paixón do mestre D.Francisco M. Rivera Casás por recoller e coleccionar obxectos relacionados co mar. Dende os seus inicios pretende reflectir a vida mariñeira da costa lucense e amosa-la súa riqueza biolóxica e etnográfica.

O edificio que serve de sede ó museo construíuse no ano 1931 para albergar  a Escola Unitaria de San Cibrán. O museo consta de catro salas: A primeira sala recolle a sección de documentación gráfica e mecánica naval.

Na segunda sala amósanse fondos de etnografía e fauna mariña: artes de pesca tradicionais, traiñón, a pesca da balea, osos de mamíferos mariños, peixes desecados.
A terceira sala está dedicada á fauna e flora mariñas: malacoloxía, algario, corais, crustáceos, equinodermos, fósiles.

Por último, na sala cuarta pódese ver a sección de navegación dedicada por un lado á construcción naval e por outro á navegación cunha colección de cartas náuticas, instrumentos, sinais, áncoras, nós etc.
No exterior do museo exponse unha colección de áncoras e canóns.

 

 

 

OUTROS DATOS
Enderezo
Av. da Mariña, s/n (San Cibran)  
27890
Cervo
Tlf : 982595132